DR.SLAA AMJIBU NAPE...ASEMA HOJA ZA CCM HAZINA TIJA ZAIDI YA KUWA ZA KIPUUZI NA KUPOTEZA MUDA

Kiongozi mashuhuri wa upinzani nchini ambaye pia ni Katibu Mkuu wa CHADEMA Dr Wilbrod Slaa amesema Katibu wa Itikadi na Uenezi CCM Nape Nauye ni mtu anayepiga mayowe na asiyejua ni nini watanzania wanataka na ndiyo maana sasa ameamini CCM haina agenda wala sera.

Dr Slaa anayefahamika na wengi kama Rais wa mioyo ya watu amesema kwamba anajisikia kucheka anavyoona CCM hawana agenda ya maisha ya watanzania badala yake wanadhani kumstopisha Dr Slaa ni kusema eti bado anamiliki kadi ya CCM.Amesema anachofanya Nape ni kupiga porojo huku watanzania wakitaka maendeleo.

Kiongozi huyo tishio kuu kwa CCM amesema kwamba wakati Nape akiendelea kusema Dr Slaa ana kadi ya CCM atashangaa kuikuta CHADEMA Ikulu mwaka 2015

Dr Slaa amesema CHADEMA kimeandaa mikakati thabiti kwa ajili ya maendeleo ya watanzania na wanaamini Tanzania itakuwa imara na bora zaidi chini ya CHADEMA baada ya 2015.

Source:Tanzania Daima.