JULIO ACHAPWA NGUMI CCM KIRUMBA, ALIA, ADAI NI MCHEZAJI WA TOTO AFRICAN

 

Huku Simba ikiwa imekamatwa na kutoka sare ya mabao 2-2 dhidi Toto African, Kocha Msaidizi wa Simba, Jamhuri Kihwelo ‘Julio’ amekutana na masahibu baada ya kupigwa ngumi.

 

Julio amepigwa ngumi dakika chache baada ya mechi kumalizika na ameeleza aliyempiga ni mchezaji wa Toto African aliyemtaja kwa jina la Emmanuel Swita.

“Nataka nikuhakikishie hili suala halitaisha kirahisi, kanipiga ngumi kwa kuwa nilitaka kuchukua mpira wetu.

“Watu walinipigia simu kutoka jukwaani kwamba kuna mchezaji wa Toto alikuwa amechukua mpira wetu, mimi nikaamua kumfuata na kutaka aurudishe.

 

“Hilo ndilo lilikuwa kosa, kanishangaza sana, maana kanipiga ngumi ambayo imesababisha jicho langu kuvimba. Sitakubali nasema,” alisema Julio akionyesha kuwa na hasira.

Katika mechi hiyo imemalizika kwa Toto na Simba kugawana pointi moja moja.

TOA MAONI YAKO HAPA CHINI