NACOPHA : "ARV SIO BANDIA, WANANCHI ENDELEE KUTUMIA".

BongoNewz 

Ofisa Mtendaji wa Baraza  la watu wanaoishi na virusi vya ukimwi (NACOPHA), Deogratius Rutawa

Baraza la watu wanaoishi na virusi vya Ukimwi (NACOPHA), limewatoa wasiwasi Wananchi kwamba  dawa ya kupunguza makali ya Virusi vya Ukimwi  inayodaiwa kuwa ni bandia sio kweli.

Akizungumza na waandishi wa habari jijini Dar es Salaam, Ofisa Mtendaji wa Baraza hilo, Deogratius Rutatwa alisema dawa hiyo ni halisi bali siyo timilifu.

“Dawa hii siyo halali kwa matumizi ya tiba kamili kwa mujibu wa miongozo ya tiba iliyotolewa na Wizara ya Afya” alisema. Kwa mujibu wa maelezo yake, dawa hiyo ambayo inadaiwa kuwa bandia ina kiambatanisho kimoja tu, wakati tiba kamili inaviambatanisho vitatu.

Hivyo, aliwasili watumiaji wa dawa halali yenye viambatanisho vitatu kuendelea kuzitumia kwani wakiacha wanaweza kupata madhara zaidi.Alitumia fursa hiyo kuwaomba madaktari wa Mikoa na  Wilaya kuhakikisha watumiaji ambao wamepata dawa hizo (zinazodaiwa kuwa feki) wanazirudisha kwenye vituo vyao kwa lengo la kupatiwa dawa halali.

Aidha, alisema Serikali nayo itoe ufafanuzi kwa Wananchi ili wafahamu ni madhara kiasi gani yaliyosababishwa na utumiaji wa dawa ambayo siyo timilifu.

TOA MAONI YAKO HAPA CHINI