Kauli zilizowatia kitanzini Madiwani (2) wa CHADEMA Mwanza

Katika kikao cha Bajeti cha Halmashauri ya Jiji la Mwanza Mei 15, Diwani wa Kata ya Igoma CDM Mh. Adam Chagulani ametamka kutokuwa na imani na Meya wa Jiji hilo Mh.Jackson Manyerere kwa madai ya kuwayumbisha katika vikao hivyo.

Akionyesha kutomuunga mkono Meya huyo, Chagulani aliiitisha kufanyika kwa zoezi la kukusanya saini za madiwani kutosheleza idadi inayokubalika kisheria kupitisha mswaada wa kupiga kura ya kutokuwa na imani na Manyerere ambaye ni kada mwenzie wa CHADEMA.

Chagulani ambaye katika kinyang’anyiro cha kusaka Meya wa Jiji hilo alikuwa akipewa nafasi kubwa kutoka kambi ya CDM kabla ya maamuzi ya hekima yaliyotumika baada ya kuzuka kambi mbili ambazo bila shaka zingeishia kuuweka rehani umeya kwa mgombea wa CCM Stanslaus Mabula ambaye alikuwa na kiu kubwa ya dhamana hiyo, anaonekana dhahiri bado anateswa na jinamizi hilo kwa kauli ambazo sijui tafsiri yake ni nini kwa afya ya chama.

Akizungumza kwa hisia na kuungwa mkono na madiwani wa CCM na CUF chagulani alimhoji Manyerere, ‘’ Mweyeketi kwa nini tusisign petition ya kutokuwa na imani na wewe kwa kuwa umekuwa ukituyumbisha kila mara’’ alimaliza chagulani na kushangiliwa kwa nguvu na kambi ya CCM na CUF katika baraza hilo.

Kama haitoshi Stanslaus Mabula nae hakuwa nyuma kwa kumrushia tuhuma Meya huyo kuwa amekuwa akikiuka mara kwa mara taratibu za chama kwa kutoa nje ya vikao mijadala inayohusu halmashauri hiyo na kujadiliwa katika vikao visivyokubalika kisheria.

Hii ndo video ya kikao ambacho kilihusisha habari hapo juu.
TOA MAONI YAKO HAPA CHINI