CECAFA: MATOKEO YA NUSU FAINALI

Timu zote mbili za Tanzania, Kilimanjaro Stars na Zanzibar Heroes, leo huko Namboole, Kampala, Uganda zilibwagwa kwenye Nusu Fainali za CECAFA TUSKER 2012 CHALENJI CUP na sasa zitakutakana ili kupata Mshindi kati yao huku Wababe zao, Wenyeji Uganda na Kenya, kucheza Fainali kusaka Nchi Bingwa wa Afrika ya Mashariki na Kati.

Kwenye ya Nusu Fainali iliyochezwa mwanzo hivi leo, Zanzibar waliwaendesha mchakamchaka Kenya na kuongoza mara mbili kwa Bao za Dakika za 20, kupitia Khamisi Mcha na Dakika ya 75, kwa Penati ya Aggrey Morris na Kenya kusawazisha mara zote kwa Bao za Mike Barasa, Dakika ya 30 na 80.

Ndipo gemu ikaenda Dakika 30 za nyongeza ambazo hazikuzaa Magoli na ikaja Tombola ya Mikwaju ya Penati tano tano ambapo Zanzibar walikosa mbili na Kenya kufunga 4.

Katika Mechi ya pili, Uganda iliinyuka Kilimanjaro Stars kwa Bao za Emmanuel Okwi, Dakika ya 12, na mbili za Robert Sentongo, Dakika za 53 na 73.

Wakati huo huo, CECAFA imetangaza kuwa Kenya ndio watakuwa Mwenyeji wa Michuano hii kwa Mwaka 2013 na endapo watashindwa Rwanda, ambao wamethibitisha kuwa tayari, watapewa nafasi hiyo.

TOA MAONI YAKO HAPA CHINI